Səudiyyə krallığı öz vətəndaşlarına bu ölkələrə getməyi qadağan etdi

Səudiyyə Ərəbistanının xarici pasportların verilməsi üzrə idarəsi krallıq vətəndaşlarına 6 ölkəyə getməklə bağlı qadağa qoyub.

Ahlibeyt.az Trend-ə istinadən bildirir ki, idarə İran, İraq, Yəmən, Suriya, İsrail, Fələstin əraziləri, eləcə də Taylanda səfər edən vətəndaşların böyük həcmdə cərimə olunacaqları barədə xəbərdarlıq edib.

Eləcə də krallıq vətəndaşlarının həmin sadalanan ölkələrə səyahət etdikləri təqdirdə 3 il müddətinə ökədən, ümumiyyətlə, kənara çıxmalarına qadağa qoyulacaq.

Cərimənin məbləğinə gəlincə, 10 min Səudiyyə lirəsi (təxminən 3 min dollar) həcmində müəyyən edilib.

Qeyd edək ki, Səudiyyə Ərəbistanının şərqində çox sayda şiə məzhəbinə mənsub olan əhali məskunlaşıb ki, onların da İranda doğmaları-qohumları yaşayırlar. Bu səbəbdən onların İrana səfər etmələri qaçılmazdır.