BMT baş katibi: Məlumatlar hücum aktının Səudiyyə Ərəbistanının rəhbərlik etdiyi koalisiya tərəfindən həyata keçirildiyini göstərir

Səudiyyə Ərəbistanının rəhbərlik etdiyi ərəb koalisiyasının Yəmən paytaxtı Sanada  yas mərasiminə endirdiyi aviazərbələr nəticəsində ölənlərin sayı  213 nəfərə çatıb,yüzlərlə yaralının olduğu bildirilir.

Ahlibeyt.az-ın Ria agentliyinə istinadən verdi xəbərə görə, bu barədə husilərə bağlı Ənsarullah hərəkatının sözçüsü Məhəmməd Əbdül-Salam deyib.

Ənsarullah sözcüsü qeyd edib ki, yas mərasiminin bombardman olunması koalisiya tərəfindən törədilən növbəti soyqırımı aktıdır və  Səudiyyənin bu cinayətinə layiqli cavab veriləcək.

Öz növbəsində BMT baş katibi Pan Gi Mun Yəmənin paytaxtı Sana şəhərində yas mərasiminə hava zərbəsi endirilməsini pisləyib.

BMT baş katibi Səudiyyə Ərəbistanının rəhbərlik etdiyi ərəb koalisiyasını olayla bağlı təcili araşdırma aparmağa çağırıb.

O qeyd edib ki, ilkin məlumatlar hücum aktının Səudiyyə Ərəbistanının rəhbərlik etdiyi koalisiya tərəfindən həyata keçirildiyini göstərir. BMT baş katibi ölənlərin yaxınlarına başsağlığı verib. P. G. Mun dinc sakinlərə düşünülmüş istənilən hücumun yolverilməz olduğunu bildirib.