Moskvada ümumdünya məzhəb forumu keçiriləcək

Moskvada Ümumdünya Məzhəb forumu keçiriləcək. Forumda müxtəlif məzhəblərin yaxınlaşmasında İslam fikrinin və təcrübəsinin rolu müzakirə olunacaq. Belə forum Moskvada ilk dəfədir ki, keçirilir.

Ahlibeyt.az-ın Maide.az-a istinadən xəbər verir ki, tədbiri  İslam və Müsəlmanların birliyi təşkilatı keçirir. Təşkilatçıların verdiyi məlumata görə, dialoq oktyabrın 18-dən 20-ə kimi olacaq.

İştirakçılar İslamın ən aktual məsələlər üzrə müxtəlif məzhəblərin mövqelərini yaxınlaşdırmağa çalışacaq.

Forumda dini təşkilatların rəhbərləri və nümayəndələri Yaxın Şərq dövlətlərindən qonaqlar da iştirak edəcək. Həmçinin Rusiya, MDB, Avropa, Şimali Afrika və Cənub-Şərqi Asiya ölkələrindən də nümayəndələr forumda iştirak edəcəklər.