BMT-nin növbəti toplantısının əsas mövzusu Suriya böhranı olacaq

BMT-nin növbəti toplantısında əsas diqqət Suriya məsələsinə yönəldiləcək.

Ahlibeyt.az-ın verdiyi xəbərə görə,bu barədə İnterAz “Reuters”-ə istinadən məlumat yayıb.

BMT-nin Nyu-Yorkda baş tutacaq toplantısında  ABŞ və  Rusiya rəsmilərinin görüşəcəyi ehtimal edilir.

Görüş zamanı Rusiya və ABŞ-ın Suriyada atəşkəsə dair müqaviləni daha möhkəmləndirməyə çalışacaqları ehtimal edilir.

Bundan başqa, ABŞ Prezidenti Barak Obamanın Suriya böhranına görə yardım üçün çağırış edəcəyi gözlənilir.

Qeyd edək ki, toplantıda 135 ölkədən olan dövlət başçıları, hökumət nümayəndələri iştirak edəcək. BMT-nin Baş Assambleyasının sammiti çərçivəsində Azərbaycan və Ermənistan Prezidentlərinin də görüşünün baş tutacağı ehtimal edilir.

Bildirək ki,bir gün öncə Suriya ordusu Der Er-Zur aerodrom ətrafında ABŞ-ın başçılığı ilə beynəlxalq koalisiyanın aviazərbələrinə məruz qalaraq əlində əlində olanərazilər  İŞİD nəzarətinə keçmişdir.Bu gecə Suriya ordusu hücuma keçərək ərazidə nəzarəti ələ almağa müvəffəq olub.