Səudiyyə Ərəbistanı təcəvüzü nəticəsində Yəmənə dəyən ziyan açıqılandı

Reuters-in yayımladığı məxfi hesabata əsasən, Səudiyyə Ərəbistanın Yəmənə 16 aylıq təcavüzünün ilk 7 ayında  bu ölkəyə 14 milyard dollardan  çox ziyan dəyib.

Ahlibeyt.az-ın Maide.az-a istinadən məlumatına görə, Reuters agentliyinin  əldə etdiyi gizli hesabatda bildirilib ki, Yəmənin  infrastrukturuna dəymiş ziyan o qədər çoxdur ki, bu ölkə yenidən qurulması üçün çox zəhmət çəkməlidir.

Məlumata görə, Yəmən əhalisinin  yarısından çoxu hazırda  bu müharibəyə görə  aclıqla üzbəüzdür.

Agentlik bildirir ki, bu hesabat Dünya Bankı,  BMT, İslami İnkişaf Bankı və Aİ-nin birgə hazırladığı hesabatın ilkin  versiyasıdır. “Müharibə indiyədək Yəmənin infrastrukturuna bir başa 7 milyard dollar, iqtisadi ziyanlar isə 7,3 milyard dollardır.”

Yəməndə müharibə davam etdiyi üçün bu rəqəm getdikcə böyüyür. Hesabat 2015-ci ilini sonu və 2016-cı ilin əvvəlinə kimi hesablanıb.

Səudiyyə Ərəbistanı rejiminin başçılıq etdiyi koalisiya Yəməndə  qadağan olunmuş silahlardan istifadə edir, məktəbləri, xəstəxanaları, məscidləri bombalayır.

Reuters-in yayımladığı gizli hesabatda Yəmənin  Təhsil Nazirliyinə istinadən bildirilir ki, Səudiyyə qırıcılarının bombalaması nəticəsində Yəməninin 20 əyalətində 1671 məktəb ziyan görüb ki, onlardan 287 məktəb tamamilə dağıdılıb.  Hücuma məruz qalmış bu məktəblərin 544-də  qaçqınlar məskunlaşıb.  Hesabatda dağıdılmış məktəblərdən 143-nün yenidən qurulması üçün  268 milyon dollar vəsait proqnozlaşdırılıb.

Hesabatda Yəmənin Səhiyyə Nazirliyinə istinadən bildirilir ki, 3652 peyvənd vurma mərkəzindən 900-u 2016-cı ilin əvvəlindən tətil olub ki, buna görə 2,6 milyon yəmənli uşağa “qızılca” xəstəliyi təhlükəsi ilə üzləşib.