İmam Rzanın (ə) ziyarətgahında 15 xristian İslamı qəbul edib

İmam Rzanın(ə) müqəddəs ziyarətgahının xarici zəvvarlar üzrə məsululu Cavad Haşiminejad  müqəddəs Məşhəd şəhərində 15 xristianın İslam dini və şiə məzhəbini qəbul etdiyini deyib

Ahlibeyt.az-ın Sahartv-yə istinadən məlumatına görə,Cavad Haşiminejad bu gün İRNA-ya bildirib ki, cari günəş ilinin ilk rübundə İmam Rzanın(ə) ziyarətgahında 6 fərqli ölkədən cəmi 15 xristian şiə məzhəbini qəbul edib, onlar 9 qadın və 6 kişidən ibarət olublar. Yenicə İslam dinini qəbul edənlər Almaniya, Portoqaliya, İsveç, Tailand, Livan, İtaliya və Efiopiya ölkələrindən olublar.

İmam Rzanın(ə) müqəddəs ziyarətgahının xarici zəvvarları üzrə məsul şəxs olan Haşiminejad yenicə müsəlman olanların yaşlarının 25-50 arasında olduğunu bildirib və çoxunun İsveçin vətəndaşı olduğunu deyib. Haşiminejad bildirib ki, yenicə müsəlman olanlar geniş mütaliələrdən sonra müsəlman olmaq qərarını verdiklərini deyiblər.

Haşiminejad başqa ölkələrin vətəndaşlarının xüsusilə mübarək ramazan ayında şiə məzhəbinə meyl göstərmələrinin İslamın təsir gücünün son dərəcə dərin olmasının göstəricisi hesab edib. O deyib: Bu zəvvarlara İmam Rzanın(ə) müqəddəs ziyarətgahında Qurani-Kərimin təfsiri, əxlaqiyyat mövzusunda çıxışlar, ictimai, tarixi, təlim və inanc mövzularında proqramlar təşikil olunur.

Qeyd edək ki,hər il İmam Rzanın(ə) pak ziyarətgahı İrandan və İrandan kənar olan 27 milyon insan tərəfindən ziyarət edilir.