Ayətullah Behcətin intizar və zühur tövsiyələri

İmanla dolu və Allahı yad edən abad qəlb tapın ki, sizə qətiyətlə deyək ki, (imza edək ki) İmam Mehdinin (ə) məkanı oradadır.

Zəmanəmizin ariflərindən biri olan böyük din alimi, mərhum Ayətullah Məhəmmədtəqi Behcət İmam Zamanla (ə) bağlı bəzi tövsiyələr vermişdir :

 

– Fərəcin tezləşməsi üçün edilən duadan daha önəmli onun zühuruna kimi iman və əqidədə  sabitqədəm qalmaq və onu inkar etməmək üçün duanın edilməsidir.

 

– Hamı özünün fikirində olmalıdır, İmam Zamanla (ə) əlaqə qurmaq və öz xilası üçün çalşımalıdır. İstər o həzrətin zühuru və gətirəcəyi qurtuluş yaxın olsun, istərsə də uzaq.

 

– Ürəklərdə iman və mərifət nuru quruyub. İmanla dolu və Allahı yad edən abad qəlb tapın ki, sizə qətiyətlə deyək ki, İmam Mehdinin (ə) məkanı oradadır.

 

– İmam yalnız onun üçün olan bir şəxsi istəyir. Qurtuluşu gözləyənlər Allaha xatir və Allahın yolu naminə intizar çəkənlərdir, öz şəxsi hacətlərinin yerinə yetməsi üçün yox!

 

– Dinin qəti və yəqini hökümlərinə əməl etsək və yatan vaxtda özümüzü hesaba çəksək bilərik ki, İmam Zaman (ə) bizim hansı işlərimizdən razı və hansı işlərimizdən narazıdır.

 

– Qətiyyətlə deyə bilərik ki, İmam Zamanın (ə) fərəci və gəlişi üçün edilən dua təsirə malikdir, amma dilin üçunda olmamalıdır (qəlbdən gəlməlidir).

 

Mənbə: Shabestan