İrandan Avropaya gedən yeni marşrut Azərbaycandan keçəcək

İran yeni tranzit marşrutunun yaradılması üzərində çalışır - Layihə xüsusi olaraq Türkiyədən yan keçməklə malların Avropaya ixrac olunması üçün yaradılır.

Ahlibeyt.az-ın Apa-ya istinadən verdiyi xəbərə görə,bu barədə "Press TV" məlumat yayıb.

Məlumata görə, məsələ ilə bağlı  İranın Dəmir Yolu İdarəsinin rəsmi nümayəndəsi Həsən Aşuri açıqlama verib

Onun sözlərinə görə, yeni marşrut İran və Qafqaz ölkələrindən keçəcək və onu son dayanacağı Avropa İttifaqı olacaq: "Artıq Azərbaycan və Gürcüstanla yeni tranzit arteriyasının yaradılması istiqamətində razılıq əldə olunub. Marşruta avtomobil və dəmir yolları daxildir. Marşrut Azərbaycan və Gürcüstandan keçəcək. Layihə xüsusi olaraq Türkiyədən yan keçməklə malların Avropaya ixrac olunması üçün yaradılır. Layihənin reallaşması ilə ixrac müddəti 45 gündən 23-ə enəcək. Layihədə Rusiya və Finlandiyada iştirak edəcək".