Səudiyyə Ərəbistanı zəvvarlara viza müddətinin bitməsinə görə xəbərdarlıq edib

Ahlibeyt.az-ın İnterAz-a istinadla verdiyi xəbərə görə, Səudiyyə Ərəbistanı hökuməti zəvvarları krallıqda viza müddətinin bitməsinə görə 50 min rial məbləğində cərimə və sonda deportasiya edilmə şərti ilə altı ay həbs cəzası nəzərdə tutulmasına diqqət yetirməyə çağırıb.

Məlumata görə, Səudiyyə Krallığındakı hər hansı şirkət qanun pozuntusu aşkarlayıb, lakin hökumətə xəbər verməyibsə, o, 100 min real məbləğində cərimələnəcək, bundan başqa şirkət beş il müddətinə qara siyahıya daxil ediləcək. Şirkət rəhbərliyi isə bir ilə qədər həbs edilə bilər.