“Camaat-i İslam” Partiyasının lideri bir neçə gün ərzində edam edilə bilər

Banqladeş höküməti Rəhman Nizami haqqındakı edam cəzasını təsdiqləyib.

R.Nizami 1971-ci ildə Pakistana qarşı həyata keçirilən müstəqillik döyüşündə müharibə cinayətləri işlətdiyi ittihamı  ilə haqqında verilən edam cəzasına qarşı çıxaraq, Məhkəməyə müraciət etmişdi.

Ahlibeyt.az maide.az-a istinadla xəbər verir ki, bu müraciətlərin hər biri cavabsız qalmışdır.

2014-cü ildə dini lider barəsində dövlət ittihamı əsasında çıxarılan edam qərarından 4 dəfə şikayət verilsə də, hər dəfə rədd cavabı alınıb. Böyük ehtimalla, Banqladeş prezidenti edilən müraciəti qəbul etməmək haqqından istifadə edərək, onun edam hökmünü qüvvədə saxlayacaq.

73 yaşlı islamçı lider soyqırım, cinayət, işgəncə və təcavüz daxil olmaqla, 16 cinayətdə  ittiham olunaraq mühakimə edilib.

O 2000-ci ildən  “Camaat-I İslam” Partiyasının lideridir. 2001-2006-cı illərdə Banqladeşdə qurulan koalisiya hökumətində nazir olub. Banqladeş əhalisinin sayı 140 milyon nəfərdir ki, onların 90 faizi müsəlmandır.