Avropa İnsan Haqları Məhkəməsi Türkiyə ələvilərinin xeyrinə, hökümətin əleyhinə qərar çıxardı

Avropa İnsan Haqları Məhkəməsi Türkiyədəki ələvilərin xeyrinə qərar qəbul edib.

Ahlibeyt.az-ın İslamazeri-yə istinadən məlumatına görə,Türkiyədə ən önəmli Ələvi Vəqfi sayılan "Cem evi"nin 11 ildirki tələb etdiyi hüquqlar Avropa İnsan Haqları Məhkəməsi tərəfindən qanuni hesab edilib və yeni qərar qəbul olunub.

Ələvilər Avropa İnsan Haqları Məhkəməsinə ibadət evləri olan "Cem evi"nin rəsmi olaraq ibadətxana adlandırılmamasını, orada işləyənlərin qanuni işçi kimi qeydiyyata keçirilməməsini və bu kimi digər haqlarının pozulması faktlarını  şikayət etmişdi.

2005-ci ildə bu kimi tələblərlə baş nazirliyinə mrciət edən ələvilərə rədd cavabı verilmişdi.

Bundan sonra ölkə məhkəmələri də, ələvilərin xeyrinə cavab verməyincə, bu dəfə "Cem Vəqfi"nin sədri İzzəddin Doğan Avropa İnsan Haqları Məhkəməsinə şikayət edib; bu günlərdə isə Avropa, Türkiyə hökümətinin əleyhinə, ələvilərin lehinə - bütün tələblərnin haqlı olmasına dair qərar çıxarıb.

Bundan başqa Avropa Məhkəməsi ələvilərlə əlaqəli 9 beynəlxalq qanunların pozulmasını da qərarında qeyd edib.