Hindistanlı milliyətçi siyasətçi İslam dinini seçdi

Əvvəllər İslama qarşı düşmən olan hinduizmin Caynizm qolundan olan milliyətçi - siyasətçi islam dinini qəbul edib.

Ahlibeyt.az-ın  İslam.az-a istinadən verdiyi xəbərə görə,  əvvəllər Hindistandan islam dininin kökünün kəsilməsinə səsləyən, milliyətçi ifrat-sağçı “Şiv Sena” siyasi partiyasının Muzaffarnaqar dairəsindəki lideri Suşil Kumar Cain, öz əvvəlki baxış və Caynizm dinindən imtina edərək İslam dinini qəbul edib.

O bunu “daxili hormoniyaya nail olmaq üçün” etdiyini deyib. İslam dinini qəbul etdikdən sonra, siyasətçi adını Muhəmməd Əbdul Səmədə dəyişib.

“Mən bunu heç bir kənar təsir olmadan, dərk edərək və öz iradəmlə etmişəm.”,  – deyə Muhəmməd Əbdul Səməd bildirib.

Qeyd edək ki, keçmiş siyasətçi, islam dinini qəbul etdiyini Hinduizmin bir qolu olan - Caynizm dininin banisi Maxavir Cayəntinin doğum günündə elan edib.

Hindistana mənsub olan bir din olaraq, caynizm e.ə. VI əsrdə ortaya çıxmışdır. Caynizm milli bir xarakterə sahib olub, Hindistandan kənara çıxmayıb. Hindistanda ən çox yaşadıqları ərazilər Uttar, Pradeş və Madhyadır. Hazırda caynistlərin sayı təqribən 3 milyona çatır.

Caynizm "qalib" mənasında olan Cina və ya "böyük qəhrəman" mənasında olan Mahavira ləqəbli bir şahzadə olan Vardhamana Jinata tərəfindən qurulan dini bir hərəkatdır.