Latviyada niqab qadağan edilə bilər

Latviya höküməti ölkədə niqabı qadağan edən qanun üzərində işləyir

Ahlibeyt.az-ın İslamazeri.az-a  istinadən verdiyi xəbərə görə,Latviya höküməti 2017-ci ilin əvvəlindən niqabın taxılmasına qadağa qoyan qanun layihəsi üzərində işləyir.

“Qanunvericiliyin vəzifəsi qabaqlayıcı tədbirlər görməkdir. Biz yalnız Latviyanın deyil, o cümlədən də Avropanın tarixi-mədəni dəyərlərini qoruyuruq.”,  – deyə Latviyanın ədliyyə naziri Dzintars Rasnaçs bildirib.

Daha əvvəl Latviyanın ədliyyə naziri niqabın taxılmasını qadağan  edən qanun layihəsinin hazırlanması təklifi ilə çıxış edib. Nazirlik aydınlıq gətirərək bildirib ki, ölkədə gərək harmonik mühit saxlanılsın, üzü örtülü insanlar isə əhali tərəfindən təhlükə mənbəyi kimi görülə bilər.

The New York Times qəzetinin məlumatına görə, ölkədə müsəlmanların sayı mindən çox deyil, lakin niqab taxan cəmi 3 xanım var.

"İnsanlar əvvəlkinə nisbətən daha çox aqressivləşiblər.", - The New York Times-a müsahibə verən  Liqa Leqzdınya Tibb universitetinin tələbəsidir və İslam dinini qəbul edərək niqab taxmağa başlayıb. İslamı seçəndən sonra o, öz adını Fatimə qoyub. Yayda Zaub adlı kiçik qəsəbədə, digər vaxtlarda isə Riqanın rayonlarından birində yaşayır. Leqzdınyanın sözlərini görə, ictimai nəqliyyatda dəfələrlə ona qarşı təhqirlər və "haradan gəlibsə ora rədd olması" kimi ifadələr istifadə edirlər. Mübahisə isə, adətən qızın  təhqir səsləndirənlərə latış dilində cavab verəndə bitir.

"Əgər onlar belə qorxublarsa, demək çox zəifdirlər. Və öz mədəniyyətlərinə inanmırlar", - deyə Liqa Leqzdınya bildirib.

Xatırladaq ki, 2011-ci ildə Fransada niqabın taxılmasını qadağan edən qanun layihəsi qəbul edilib. Bu ölkədə yaşayan müsəlman-xanımlar ictimai yerlərdə üzlərini örtən paltarlarla ola bilməzlər. Bunu edənlər isə cərimələnir.