Azərbaycan Prezidenti İslam Əməkdaşlıq Təşkilatının zirvə toplantısında iştirak edir

İstanbulda İslam Əməkdaşlıq Təşkilatının (İƏT) 13-cü Zirvə toplantısı başlayıb

İslam Əməkdaşlıq Təşkilatının (İƏT) 13-cü Zirvə toplantısında 10 ölkə başçısı iştirak edir - Sammitə Azərbaycan prezidenti İlham Əliyev də qatılıb

Ahlibeyt.az-ın "Report"a istinadən xəbər verir ki, hazırda Türkiyə Prezidenti sammit iştirakçılarını qarşılayır. Qarşılanma təxminən saatyarım çəkəcək.

Sammitin plenar iclası isə Qurani-Kərimin oxunması ilə açılacaq.

Sammitin gedişində "Ədalət və sülh üçün birlik və həmrəylik" mövzusunda Fələstin məsələsi, Suriya, Yəmən, Liviya, Əfqanıstan, Somali, Mali, Cammu və Kəşmir, Bosniya-Herseqovinadakı vəziyyət, eləcə də Ermənistanın Azərbaycana qarşı təcavüzü kontekstində Dağlıq Qarabağ münaqişəsi müzakirə olunacaq.

Sammitin yekununda İstanbul bəyannaməsinin imzalanacağı, eləcə də strukturun beynəlxalq arenada siyasi prioritetlərini müəyyən edəcək bir sıra qətnamələrin qəbul ediləcəyi gözlənilir.

Sammitin ardından İƏT ölkələrin xarici işlər nazirlərinin və yüksək vəzifəli şəxslərin görüşü keçiriləcək və onlar yekun kommünikeni və İstanbul bəyannaməsini hazırlayacaq.

Qeyd edək ki, sammitdə Azərbaycanın işğal altında olan Dağlıq Qarabağ bölgəsindəki münaqişə ilə bağlı "Təmas qrupu" qrupunun təsdiqlənəcəyi gözlənilir.