Əskəriyyə məqbərəsini partladan edam edildi

2006-cı il fevral ayının 22-də İraqın Samirə şəhərində yerləşən Əskəriyyə məqbərəsini partlatdığına görə İraq məhkəməsi tərəfindən edama məhkum olunmuş tunisli terrorçu Yusri Faxir Məhəmməd Əli ət-Tariq nəhayət ki, İraq həbsxanalarının birində edam edilib.

Tunis dövlətinin dəfələrlə İraq dövlətindən terrorçu barəsində çıxardılmış hökmün dəyişdirilməsini istəməsi onun edam edilməsində bir növ maneə olmuşdu. Amma İraq dövləti bütün təzyiq və etirazlara baxmayaraq, İmam Əli ən-Nəqi(ə) və İmam Həsən əl-Əskərinin(ə) barigahlarını partladan və onlarla iraqlının ölümünə səbəb olan terroristi çərşənbə günü edam edib.