Vahhabilərin söykənəcək yerləri ABŞ və İsraildir

Bir müddət öncə "Əgər İrana hücum olarsa, cihad hökmünü verəcəyəm" deyən Misirin ən böyük sufi təriqətlərindən olan "Əzmiyyə" təriqətinin başçısı Şeyx Əla`a Mazi Əbu əl-Əzaim "əl-Ələm" xəbər kanalına müsahibə verib.

Şeyx əl-Əzaim müsahibəsində bildirmişdir ki, vahhabilərin söykənəcək yerləri ABŞ və İsraildir. Bu səbəbdəndir ki, onlar İranı özlərinə düşmən hesab edirlər. Biz müsəlmanlara bildirir ki, şiələr də bizim kimi müsəlmandırlar. Və bizim Üsulid-dində heç bir ixtilafımız yoxdur. Bizim ixtilafımız Füruid-dindədir. Və bu tip ixtilaflar elə əhli-sünnə məzhəblərinin arasında da mövcuddur.

əl-Əzaim həmçinin deyib ki, süqut etmiş rejim zamanı bizim İrana səfər etməyimizin qarşısı dəfələrlə alınmışdır. Amma inqilabdan sonra İrana etdiyimiz səfər zamanı gördük ki, necə ki biz misirlilər iranlılarla görüşməyi çox istəyirdik, o cür də iranlılar bizimlə görüşməyə can atırmışlar.

İranın düşmən olmadığını bildirən Şeyx əl-Əzaim deyib ki, əgər Avropa ilə ərəblər arasında və yaxud İsraillə ərəblər arasında müharibə başlayarsa, İran ərəbləri dəstəkləyəcək ölkə olacaqdır.