Nigeriyada məscid partladıldı, 22 nəfər həyatını itirdi

Nigeriyanın şimal-şərqində yerləşən Mayduquru şəhərindəki məsciddə törədilən terror aktı nəticəsində 22 nəfər ölüb, 17 nəfər yaralanıb.

Ahlibeyt.az-ın Lenta.ru.ya istinadən məlumatına görə bu barədə Associated Press agentliyi məlumat yayıb.

Nigeriya təhlükəsizlik qüvvələrinin yaydığı məlumata görə, terror aktını iki kamikadze qadın törədib. Kamikadzelərdən biri məscidin içində, digəri isə məscidin çıxışında partlayıcı qurğunu işə salıb.

Hələlik terror aktını heç bir qruplaşma öz üzərinə götürməyib.

Qeyd edək ki, Mayduquri "Boko Haram" terror qruplaşmasının təsir dairəsində olan şəhərdir.