Suriya ordusu Hələbdəki “Həyat yolu”nu tam olaraq azad edib

Suriyada strateji əhəmiyyətə malik olan "Həyat yolu" bu gündən etibarən sakinlər üçün əlçatandır; bu gün prezident Bəşər Əsədə tabe hökumət qoşunları Hələbdəki “həyat yolu”nu sərbəst gediş gəliş üçün üçün tam azad ediblər.

Həmçinin sözügedən yol ətrafındakı strateji əhəmiyyət daşıyan bütün təpələr və hündürlüklər nəzarətə götürülüb.

Ahlibeyt.az-ın məlumatına görə, bu barədə Salamnews “lifenews.ru”ya istinadla xəbər verib.

Bildirilir ki, paytaxt Dəməşq ətrafında bir qrup terrorçu digərinə hücum edib. Radikallar bu əyalətdə nüfuz dairəsini bölüşdürə bilmədiklərindən "hakimiyyət" uğrunda mübarizəyə başlayıblar.

Qadağan edilən təşkilatlar arasında fikir ayrılığı hökm sürməkdədir, belə ki, bəzi terrorçular atəşkəs rejimi çərçivəsində təklif edilən amnistiyadan imtina etməyə qərar veriblər.

Qeyd olunur ki, Suriyadakı sülh təxribatsız ötüşmür; “Cəbhat ən-nusra” terror təşkilatı Hələb şəhərini atəşə tutub. Şəhərdə sülhə mane olmaq istəyən digər terror qruplaşmaları da fəaliyyət göstərir.