"Ya Əli, səndən mədəd!" dedi və çempion oldu

Parisdə ağır atletika üzrə 79-cu, qadınlar arasında isə 22-ci dünya çempionatında çıxış edən iranlı atlet Behdad Səlimi ən ağır çəkili atletlər arasında qızıl medala sahib olmuş, həmçinin yeni dünya rekorduna imza atmışdır.

İranlı atlet Behdad Səliminin çıxışı onun hər dəfə ştanqaya yaxınlaşmazdan öncə Hz.Əliyə(ə) təvəssül etməsi ilə yadda qalıb.

Qeyd edək ki, İranlı atletlər kişilər arasında keçirilən yarışda komanda hesabında ikinci yeri tutublar. Çempionatda İİR-dən qadın atletlər iştirak etmədiyindən ümumi komanda hesabında isə İran komandası 2 qızıl, 1 gümüş və 1 bürünc medalla beşliyə daxil olaraq 4-cü olub.