Bəşər Əsədin Suriyada parlament seçkilərinə dair qərarını müxalifət rədd etdi

Suriyada keçiriləcək parlament seçkilərinin tarixi məlum olub

Ahlibeyt.az-ın Apa-ya istinadən verdiyi məlumata görə, prezident Bəşər Əsəd seçkiləri bu ilin aprel ayının 13-ə təyin edib.

Ölkədə parlament seçkiləri 4 ildən bir keçirilir və son parlament seçkiləri 2012-ci ildə keçirilib.

Lakin 2015-ci ildə Səudiyyədə yaradılan Suriya müxalifətinin Danışıqlar üzrə Ali Komitəsinin nümayəndəsi Hassan Ağa Al-Arabiyya"kanalına müsahibə verərək bildirib ki,bildirib ki,vətəndaş müharibəsi baş alıb gedən ölkədə ümummilli seçkilərin keçirilməsi qeyri-mümkündür.

O qeyd edib ki,Bəşər Əsəd tərəfindən atılan bu addım sübut edir ki, hakimiyyət bu ilin fevral ayının 27-də qüvvəyə minəcək atəşkəsə riayət etmək və münaqişənin siyasi yolla həlli haqqında düşünmür.

Ötən il noyabrın 14-də Vyanada, “Suriyaya dəstək” qrupunun iclasında təsdiq edilmiş “yol xəritəsinə” uyğun olaraq, münaqişə tərəfləri koalision hökumət qurmalı və yeni Konstitusiya üzərində işə başlamalıdırlar.Prezident və parlament seçkiləri isə yeni Konstitusiyasının əsasında keçirilməlidir. Keçid müddətinin 18 ay çəkəcəyi nəzərdə tutulmuşdu.