Hollandiyada "halal kəsim" şərtləri ağırlaşdırılır

Hollandiyada kənd təsərrüfatı işlərindən məsul dövlət naziri Martijn van Damın bildirdiyinə görə, İslam və yəhudi inancının tələb etdiyi kimi keyidirici verilmədən heyvan kəsilməsi məsələsində texniki qaydalara əməl olunması üçün daha sıx nəzarət ediləcək.

Ahlibeyt.az-ın maide.az-a istinadən məlumatına görə, yeni qaydaya görə, kəsimdən 40 saniyə sonra heyvan diri qalarsa, ona keyidirici vurulacaq.

Qeyd olunur ki, kəsilən heyvanların ətləri yalnız Niderlanddakı yəhudi və müsəlmanların ehtiyacı qədər olacaq. Bunun Hollandiyadan halal ət idxal edən qonşu ölkələrdəki müsəlmanlara mənfi təsir göstərəcəyi bildirilir. Hollandiya hökumətindən bildiriblər ki, 2017-ci ildən etibarən başlayacaq yeni qaydalar yəhudi və İslami dairələrdə müzakirə olunacaq.

Haaqada Niderland Parlamenti 2011-ci ilin iyun ayında ölkə daxilində heyvan kəsimində keyidirici vurulması tətbiq edib. Ancaq ölkənin bir çox yerində müstəsna icazə alınaraq kəsim həyata keçirilir. Almaniyada yarı keyləşdirmə üsulu ilə kəsim həyata keçirilir. Lakin bu, müsəlmanlar və yəhudilər tərəfindən tam olaraq halal hesab edilmir.