Günün hədisi - İnsanlara xoş təftarın təsirləri

Qurani kərim buyurur:

Xoş söz demək və xətaları bağışlamaq, minnətlə verilən sədəqədən daha yaxşıdır. Allah Zəngindir, Həlimdir.(Bəqərə 263)

Əmirəl-möminin əleyhissalam Məhəmməd ibn Hənəfiyəyə vəsiyyətində buyurmuşdur:

- "Sənə yaxşılıq edilməyini sevdiyin kimi bütün insanlara yaxşılıq et, özünə rəva bildiyini onlar üçün də rəva bil, özünə bəyənmədiyini onlara da məsləhət bilmə, insanlarla gözəl əxlaqla rəftar et belə ki, onlardan uzaq düşəndə qeydinə qalsınlar,vəfat edəndə sənə ağlasınlar və "Biz Allahdanıq və ona tərəf qayıdacayıq” desinlər.Elə olma ki,öləndə camaat "Əlhəmdulillahi Rəbbil-aləmin”- desinlər. Bil ki, əqlin ən uca mərtəbəsi, Allaha iman gətirdikdən sonra, camaatla yaxşı dolanmaqdır.

“İnsanlara xoş sözlər deyin” ayəsinin təfsirində İmam Həsən Əsgəri əleyhissalamdan nəql olunur ki, İmam Sadiq (ə) bu barədə belə buyurur:

- “Bütün insanlara xoş söz deyin, istər mömin olsun, istər qeyri-mömin. Möminlər üçün üzü açıqlıqla və qeyri-möminlərlə onların imana gəlməyi üçün gözəl və mehriban danışsın, çünki faydası olmadığı halda özünü və mömin qardaşlarını onların şərindən qorumuş olar”.

Digər bir hədisdə buyrulur:

- "Allah düşmənləri ilə mülayim rəftar etmək özünün və mömin qardaşlarının xeyrinə ən fəzilətli sədəqədir. "