İran Ankara və ər-Riyadın Suriyaya hərbi müdaxilə edəcəyinə dair xəbərlərə münasibət bildirib

Rəsmi Tehran Türkiyə və Səudiyyə Ərəbistanının Suriyaya hərbi müdaxilə edəcəyinə dair xəbərlərə münasibət bildirib.

Ahlibeyt.az-ın Salamnews-a istinadən məlumatına görə,İran Xarici İşlər Nazirliyinin təmsilçisi Hüseyn Cabir Ənsari Ankara və ər-Riyad hökumətlərinin Suriyaya müdaxiləsinin problemi daha da dərinləşdirəcəyini söyləyib.

"İran regional və beynəlxalq müdaxilələr səbəbilə problemin daha da böyüdüyünü düşünür. Suriya hökuməti ilə koordinasiya edilmədən atılacaq hər yeni addım problemi daha da qarışıq hala salacaq, terror hücumları artacaq. Hərbi müdaxiləyə əl atmadan əvvəl bütün ölkələrin bu faktorları nəzərə alacaqlarına ümid edirik.", - Ənsari belə deyib.