Şeyx Əli Salmanın evi yenə hücuma məruz qalıb

Bəhreynin paytaxtı Manamadan verilən xəbərə görə, dünən gecə Ali Xəlifə muzdurları Ali Səud ordusunun himayəsilə Bəhreynin ən böyük müxalifət partiyası olan əl-Vəfaq partiyasının sədrinin evinə hücum ediblər.

Onlar Şeyx Əli Salmanın evinin qarşısında toplaşaraq səs gücləndiricilərlə partiya sədrindən evdən çıxmağı tələb ediblər. Şeyx Əli Salmanın bu əmrə tabe olmadığını görən "qonaqlar" evi gözyaşardıcı qazlarla və plastik güllələrlə atəşə tutublar. Hücum nəticəsində partiya sədrinin evinin ciddi ziyan çəkdiyi bildirilir.

Xatırladaq ki, Şeyx Əli Salmanın evi avqust və sentyabr aylarında da hücuma məruz qalmışdı.