Suriyada iki strateji rayon terrorçulardan azad edilib

Suriyada terrorçu qruplar tərəfindən 3 il mühasirədə saxlanılan iki strateji əhəmiyyətə malik rayon Suriya Silahlı Qüvvələri tərəfindən azad edilib.

Ahlibeyt.az-ın Salamnews-a istinadla verdiyi xəbərə görə,Nubul və Zəhra məntəqələrinin radikal silahlılardan azad edilməsilə şimal istiqamətindən terrorçu qruplara dəstək göndərilən əsas marşrut da Suriya hökumətinin nəzarətinə keçib.

Məlumata görə, Hələb istiqamətində Suriya ordusunun və Rusiya aviasiyasının son 3 gün ərzində təşkil etdikləri əməliyyatlar nəticəsində terrorçu qrupların müqavimətini qırmaq mümkün olub.

Bildirək ki, əsasən şiələrin yaşadığı Nubul və Zəhra rayonlarının ümumilikdə 60 min əhalisi var. Bu məntəqələr kürdlərin nəzarətində olan ərazilərə yaxın yerləşib.