Səudiyyə Ərəbistanı hökuməti Ayətullah Şeyx Baqir Nimri edam edib

Səudiyyə Ərəbistanının Daxili İşlər Nazirliyinin yaydığı məlumatda bildirilir ki, məhkəmənin qərarıyla barələrində edam hökmü çıxarılan Ayətullah Nimrlə bərabər daha 46 nəfərə qarşı edam hökmü icra edilib

Ahlibeyt.az-ın Dunyabuleteni-nə istənadən məlumatına görə,edam edilənlər arasında nüfuzlu şiə din alimi Ayətullah Şeyx Baqir əl-Nimr də var.

Daxili İşlər nazirliyinin məlumatında Ayətullah Baqir Nimrin adı bu gün Nazirliyin yayımladığı edam edilənlərin siyahısında yer alıb.

Edam edilənlərdən birinin 2004-cü ildə Səudiyyədə terror aktı törədən Əl qaidə üzvü olan Faris bin Şail və digər 45 nəfərin əksəriyyəti terror aktları törətmiş "əl-Qaidə" üzvləri olduğu bildirilir.

Məlumatlara görə, Səudiyyə Ərəbistanının SPA agentliyi edam edilənlər arasında bir nəfər Çad və Misir vətəndaşının olduğunu bildirilir. Bildirilib ki, edam edilənlər mülki şəxsləri və krallığın təhlükəsizlik qüvvələrini hədəfə alan terror aktları törətməkdə ittiham ediliblər.

Xatırladaq ki, Ayətullah Şeyx Baqir Nimr barədə bir neçə instansiyadan keçən edam qərarı ötən ilin oktyabr ayında Səudiyyə Ərəbistanının Ali Məhkəməsi tərəfindən də təsdiqlənib. O, ölkənin şərqində hökumətə qarşı nümayişlərə rəhbərlik etməkdə ittiham edilib.