Düşmən müqabilində yatan kəs bilsin ki, düşməni yuxuya getməyəcək

Ayətullahul-Üzma Şeyx Cavadi Amuli İranda səfərdə olan misirli inqilabçı xanımlarla görüş keçirmişdir.

Ayətullah Cavadi Amuli görüşdə bildirib ki, bu gün dünyada müsəlmanlar artıq oyanmaqdadırlar. Misirin bu oyanışda mühüm və xüsusi yeri vardır. Hz.Əmirəl-möminin Əli(ə) belə xilafəti zamanı Misirə xüsusi önəm vermişdir.

Hüsnü Mübarəkin prezidentliyi dövrünə işarə edən mərcei-təqlid deyib ki, təkcə Misir onun əsarətində deyldi. Həcc və namaz da əsir idi. Mübarək düni bütövlükdə əsarətində saxlayırdı. Hz.İmam Hüseyn(ə) buna görə buyurmuşdur ki, əgər zalım müsəlman hökümətini ələ keçirərsə, İslamın fatihəsi oxumalıyıq.

Azadlıq yolunun şəhidlərinin qanlarını İslam və Quran üçün fəda etdiklərini deyən Quran müfəssiri qeyd etmişdir ki, Misir xalqı inqilabçıların fədakarlığı və əziyyətlərinə görə məsuliyyət daşıyırlar. Buna görə qafil olmamağı inqilabçılara tapşıran Ayətullah Cavadi Amuli Hz.Əlinin(ə) misirlilərə məktubundan sitat gətirmişdir ki, Hz.Əli(ə) misirlilərə xitabən buyurmuşdur:" Hər kəs düşmən müqabilində xatircəmlik edib yatarsa, bilsin ki, amma düşmən yuxuya getməyəcəkdir". Odur ki, diqqətli olun ki, yuxu sizi tutmasın.