Tac-Mahal hinduslara verilməyəcək

Hindistan höküməti  bir qrup hüquqşünaslara məhkəmədə qalib gəlib . Belə ki, bir qrup hüquqşünas sübut etmək istəyib ki, şah Cahan tərəfindən inşa olunan Tac-Mahal  əslində hindusların məbədi olub

Ahlibeyt.az-ın İslaminsesi-nə istinadən verdiyi xəbərə görə,Tac-Mahalın yerləşdiyi Arpa şəhərinin 6 hüquqşünası ötən ildən bəri məbədin məhs hinduslara məxsus olduğunu iddia ediblər.

Məhkəmədə vəkillər sübut etməyə çalışıblar ki, məbəd əvəllər Şiva tanrısına məxsus olub.

Hindistanın mədəniyyət naziri Maxeş Şarmanın sözlərinə görə, məhkəmə mavzoleyin məbəd olması barədə yetəri sübut tapmadığı üçün işi bağlamalı olub.

Qeyd edək ki, Tac-Mahal Hindistanın Aqra şəhərində,  Camna çayı sahilində yerləşən Tac-Mahal dünya  memarlığının şah əsəridir. Böyük Moğollar  İmperiyasının  hökmdarı,   Əmir Teymurun nəslindən olan Cahan şahın əmri  ilə həyat yoldaşı Ercümənd Banu Begümün xatirəsinə (Mümtaz Mahal)ucaldılmış Tac-Mahal həm də  əbədi məhəbbətin rəmzidir.

1632-ci ildə inşasına başlanan əsər 20 il sonra 1652-ci ildə tamamlanmıştır. Abidənin hündürlüyü 75 metrdir və ağ mərmərdən hazırlanmışdır. Tac -Mahalın divarları həqiqi xəzinə daş-qaşlarıyla örtülüdür, divarlarında 42 zümrüd, 142 yaqut, 625 brilyant, 50 çox böyük inci vardır. Babur İmperatorluğunun VI hökmdarı Cahan şah və həyat yoldaşı Ercümənd Banu bu sarayda dəfn edilmişlər.