Türkiyənin vurduğu Rusiyanın “Su-24” təyyarəsinin ikinci pilotu xilas olunub

Türkiyə Hərbi-Hava Qüvvələri tərəfindən vurulan Rusiyaya məxsus  “Su-24” təyyarəsinin ikinci pilotu suriyalı hərbçilər tərəfindən xilas olunub.

Ahlibeyt.az-ın Vedomosti-yə istinadən məlumatına görə, bu barədə livanın “Al Mayadeen”telekanalı öz facebook səhifəsində  məlumat yayıb.

Məlumatda qeyd olunur ki, pilotla əlaqə altı saat davam edən axtarışdan sonra bərpa olunub. Suriya ordusunun xüsusi təyinatlıları rusiyalı pilotu silahlıların nəzarəti altında olan ərazidən iki saata çıxara bilib və hava yolu ilə Rusiyanın Suriyadakı Xmeymim hərbi bazasına çatdırılıb.

Hazırda pilotun Rusiyanın Xmeymim aviabazasında təhlükəsiz şəraitdə olduğu qeyd edilir.

Əl-mayadeen-in məlumatından bir qədər sonra Rusiyanın müdafiə naziri Sergey Şoyqu  Suriyada vurulan Su-24 qırıcısının sağ qalan pilotunun xilas edilməsi məqsədi ilə keçirilən əməliyyatın uğurla nəticələndiyini söyləyib. F. Şoyqu xilas olunan pilotun hərbi bazaya çatdırıldığını qeyd edib.