İstanbul millət vəkili - İŞİD-in istifadə etdiyi kimyəvi qazlar Türkiyədə hazırlanıb

İŞİD terror təşkilatı  İraqın Tikrit vilayətinin şimalında hökumət qüvvələrinə qarşı kimyəvi qazlardan istifadə edib

Ahlibeyt.az-ın verdiyi xəbərə görə, İslamazeri.az Türkiyə mətbuatına istinadən verdiyi məlumatda bildirilir ki,İraq qüvvələri komandanlığı tərəfindən verilən yazılı açıqlamada, İŞİD terror təşkilatının Tikritin şimalında İraq ordusuna qarşı kimyəvi maddə-xlor qazı tərkibli bombalardan istifadə etdiyi bildirilib.

Açıqlamada İŞİD terror təşkilatının daha əvvəllər də İraq və Suriyanın müxtəlif bölgələrində, xüsusilə də Hələbdə kimyəvi qaz tərkibli bombalardan istifadə etdiyi qeyd olunur.

CHP-dən İstanbul millət vəkili Barış Yarkadaş və Ərən Ərdəm ilə Ərdahana gələn CHP baş katibi Gürsəl Təkin CHP bölgə təşkilatında mətbuat konfransı keçirib.

Yarkadaş İŞİD-in kimyəvi silahlara sahib olduğunu bildirərək "Suriyada kimyəvi qazların istifadəsi ilə əlaqədar BMT-də araşdırma aparılıb. Kimyəvi qazlardan İŞİD-in istifadə etdiyi üzə çıxıb. Kimyəvi qazın Türkiyədə hazırlanması barədə sənədləri gələn həftə təqdim edəcəyik. Bu insanlıq və müharibə cinayəti çərçivəsində istifadə edilən silahların Türkiyədən hansı hökumət rəsmiləri və hansı qurumların məlumatları daxilində buralara köçürüldüyünü sənədləşdirəcəyik", - deyə açıqlayıb.