Rusiya aviasiyası bir gündə Suriyada İŞİD-ə məxsus 11 komanda məntəqəsini məhv edib

Rusiya aviasiyası Suriyada əcnəbi təlimatçılar tərəfindən terrorçu-kamikadzelərin hazırlandığı bazanı məhv edib.

Ahlibeyt.az-ın Rbc-ya istinadən verdiyi xəbərə görə, bu barədə jurnalistlərə Rusiya Müdafiə Nazirliyinin nümayəndəsi general-mayor İqor Konaşenkov məlumat verib.

İ.Konaşenkov bildirib ki, Rusiya aviasiyasına məxsus “SU-24M" tipli bombardmançı təyyarə Salma şəhəri yaxınlığında terrorçuların bazasının yerləşdiyi binaya zərbə endirilib. Kəşfiyyatın məlumatına görə, bazada xarici ölkələrdən olan təlimatçılar Suriya ordusunun azad etdiyi ərazilərdə diversiya həyata keçirmək üçün  silahlıları və terrorçu-kamikadzeləri hazırlayırmış.

O qeyd edib ki, bazada diversiya biliklərindən başqa terrorçulara dinc əhali və qaçqınlar arasında kütləyə qarışmaq kimi biliklərlə təlimatlandırılrılırmiş.

General bildirib ki,məhv edilən bazada həmçinin kustar üsulla partladıcı qurğuların istehsalı üzrə sex fəaliyyət göstərib. Zərbə nəticəsində bina tamamilə dağıdılıb.

Məlumatda bildirilir ki,oktyabrın16-da Rusiya qırıcıları 39 hava uçuşu həyata keçirmiş,nəticədə terrorçulara məxsus 49 hərbi infrastruktur və 11 komanda məntəqəsi məhv edilib.

Qeyd edək ki,Suriya hökumətinin rəsmi müraciətinə əsasən Rusiya hökuməti müsbət cavab verib və bu ölkədə baş alıb gedən terrora qarşı mübarizə üçün bu il sentyabrın 30-da Rusiya Hərbi Hava Qüvvələri(HHQ) İŞİD və digər terror birləşmələrinə hava zərbələri endirməyə başlayıb