Gürcüstan müsəlmanlarının mərkəzi binası Batumidə fəaliyyətə başladı

Bütün Gürcüstan Müsəlmanları İdarəsinin(BGMİ) Batumidəki Mərkəzi Binası Fəaliyyətə başlayıb

BGMİ-dən Ahlibeyt.az-a verilən məlumata görə,Acara Muxtar vilayətində BGMİ-nin Batumidəki rəsmi mərkəzinin açılış mərasimi keçirilib.

Açılışda Acarıstan hökümətindən rəsmi şəxslər, Dini Məsələlər üzrə Dövlət Agentliyinin sədri Zaza Vaşakmadze və nümayəndə heyəti, BGMİnin şeyxi Hacı Ramin İgidov, Qərbi Gürcüstanın müftisi Hacı Beglar Kamaşidze, din və ictimaityyət xadimləri iştirak etdi. Qonaqlar yeni binanın açılışı münasibəti ilə Acar müsəlmanlarını təbrik edib, müfti və din xadimlərinə sağlam və ənənəvi dinin təlim, təbliğində və ümumiyyətlə dini fəaliyyətlərində uğurlar dilədilər.

Qeyd edək ki, neçə ay öncə Baş nazirin tərəfindən ölkənin qərbində yaşayan gürcü müsəlmanlar üçün iki (4 və 2 mərtəbəli) bina hədiyyə olunmuşdu. Onlardan biri BGMİnin Acara Muxtar vilayətindəki rəsmi idarəsi, ikincisi isə din və təhsil mərkəzi kimi fəaliyyət üçün nəzərdə tutulub.