"Ənsarallah" Səudiyyə və müttəfiqləri üçün Yəmən torpaqlarının məzar olacağın bəyan edib

Səudiyyə Ərəbistanı və müttəfiqləri cümə günü axşam saatlarından etibarən quru əməliyyatlarının başlandığını elan ediblər.

Ahlibeyt.az-ın İslamazeri-yə istinadən verdiyi xəbərə görə,Yəmən mətbuatının yaydığı məlumatda bildirilir ki, Körvəz koalisiyasına aid hərbi qüvvələr Yəmənin Mərib viiyi xəbərə göelayətindən Səna şəhəri istiqamətində hərəkətə başlayıblar. Lakin Yəmən ordusu və "Ənsarallah" döyüşçüləri Səudiyyə və müttəfiqlərinə məxsus 21  tank və zirehli texnikanı məhv ediblər. Bundan əlavə  BƏƏ, Qətər və Səudiyyə Ərəbistanlı olan onlarla hərbçi məhv edilib.

Ümumilikdə Səudiyyə və müttəfiqləri quru əməliyyatlarının ilk günündə aviasiya qüvvələrinin dəstəyi ilə 500 hədəfə zərbə endirib. Hücumlar nəticəsində onlarla mülki vətəndaş həyatını itirib. Yəmən ordusu və "Ənsarallah" öz növbəsində Səudiyyə Ərəbistanı Cizan vilayətində yerləşən “Dər əl-Nəsr” hərbi bazasına zərbələr endirib. Nəticədə ən azı bir Abrams-M1 tankı və Hummer markalı zirehli avtomobil sıradan çıxarılıb. Xatırladaq ki, Səudiyyə Ərəbistanı və müttəfiqləri quru əməliyyatı ilə Yəmənin paytaxtı Səna şəhərini ələ keçirmək istəyirlər.

Yəmən ordusu və "Ənsarallah"  Səudiyyə və müttəfiqləri üçün Yəmən torpaqlarının məzar olacağını və heç bir hədəfə çata bilməyəcəklərini bəyan edib. Qeyd edək ki, Səudiyyə Ərəbistanı və müttəfiqlərinin mart ayının 26-dan Yəmənə qarşı başlatdığı təcavüz nəticəsində minlərlə mülki vətəndaş həyatını itirib, 10 minlərlə vətəndaş isə yaralanıb. Yüz minə yaxın insan öz evlərindən didərgin düşüb. Minlərlə yaşayış binası, məktəb, xəstəxana və digər sosial obyektlər dağıdılıb. Yəməndə humanitar vəziyyət Səudiyyə və müttəfiqlərinin havadan və qurudan tətbiq etdiyi blokada səbəbindən günü-gündən pisləşir.

Humanitar təşkilatlar Yəmənə yetərli diqqət ayırmırlar. Dünya ictimaiyyəti bəzi ölkələr çıxmaq şərti ilə Səudiyyə Ərəbistanının bu vəhşiliyinə göz yummaqdadır.