İrandan Türkiyəyə dəstək

Rəsmi Tehran son günlər ardıcıl törədilmiş terror aktları ilə sarsılan Türkiyəyə dəstək nümayiş etdirib - İslam respublikası Xarici İşlər Nazirliyinin sözçüsü Mərziyə Əfham  PKK terrorçularının TSK və mülki əhaliyə yönəlmiş hücumunu pisləyib

Ahlibeyt.az-ın Anspress-ə istinadən verdiyi xəbərə görə, İranın rəsmi “İRNA” agentliyini məlumatında bildirilir ki, bu barədə İslam respublikası Xarici İşlər Nazirliyinin sözçüsü Mərziyə Əfham çıxışında bildirib. Əfham PKK terror təşkilatının Türkiyə Silahlı Qüvvələri (TSK) və mülki əhaliyə qarşı yönəlmiş terror hücumunu kəskin pislədiklərini ifadə edib. Hadisələrin gedişinin təhlükəli səviyyəyə çatdığını deyən Mərziyə Əfham sülh danışıqlarının yenidən başladılmasının labüd olduğunu qeyd edib.

Qeyd edək ki, bu il iyulun 24-dən başlayaraq TSK hərbçiləri və Türkiyə Hərbi Hava donanması PKK terrorçularına qarşı intensiv əməliyyatlara başlayıb. Buna, Şanlıurfa vilayətinin Suruc rayonunda 32 mülki əhalinin ölümünə səbəb olan terror aktından sonra PKK terrorçularının günahsız 2 polisi güllələyərək öldürməsi ilə ölkədə başlatdığı gərginlik səbəb olmuşdu.