BMT-nin Suriya üzrə nümayəndəsi münaqişənin həlli ilə bağlı üçmərhələli plan təqdim edib

BMT-nin Suriya münaqişəsi üzrə nümayəndəsi Stefan di Mistura müharibənin dayanması və Suriyada vahid hökumətin formalaşması ilə bağlı yeni üçmərhələli plan təqdim edib

Ahlibeyt.az-ın Salamnews-a istinadən verdiyi xəbərə görə,"Al Hayat"-ın məlumatında bildirilir ki, planda atəşkəsin həmişəlik dayandırılması istiqamətində danışıqların aparılması, tam səlahiyyətlərə malik olan keçid hökumətinin təşkili və hazırkı Suriya hökuməti ilə müxalifət nümayəndələrinin birgə hərbi şurasının yaradılması, BMT-nin nəzarəti altında ölkədə prezident və Parlament seçkilərinin keçirilməsi nəzərdə tutulub.

Yeni sənəddə keçid hökumətində iştirakı mümkün olmayacaq 120 şəxsin adının çəkildiyi bildirilir.

Qəzet iddia edir ki, sözügedən 120 şəxsin Suriya münaqişəsinin baş verməsində və alovlanmasında rolu olub və bu səbəbdən hər iki tərəf onların keçid hökumətində olmamaları ilə bağlı razılıq əldə edib.

Qeyd edək ki, sənəddə Suriya prezidenti Bəşər Əsədin adı hallanmır.

Planda, həmçinin Suriya dövlət müəssisələrinin və ordusunun yerində qalması, bu dövlət dairələrində islahatların aparılması, eləcə də “Bəəs” partiyasının toxunulmazlığı məsələləri vurğulanıb.