Ayətullah Məkarim Şirazi Məşhəddə əhli-sünnə alimləri ilə gürüşüb

Ayətullah Məkarim Şirazi Məşhəddə İmam Sadiqin (ə) şəhadət ildönümü günü bir qrup Əhli-sünnə alimi ilə görüşüb.

Ayətullah Məkarim deyib: “Tarix boyu düşmənlər şeytani siyasətləri ilə İslam dünyasında təfriqə yaratmağa çalışıblar. Onlar İslam ölkələrinin iqtisadi, siyasi, mədəni mənbələrini zəiflətməyə səy göstəriblər. Bu yolla İslam ölkələrinə nəzarətin ələ alınmasına çalışılıb.”

A. Məkarim İslamda kiməsə hansısa əqidənin zorla qəbul etdirilməsinə icazə verilmədiyinə işarə edərək deyib:

“Bu gün İslam dünyasında qətllərə, qarətlərə əl atan qüvvələr müsəlman deyillər!”

Təqlid mərcəsi müsəlmanların müqəddəs saydıqları şəxslərin təhqir edilməsinin haram olduğunu bildirərək deyib: “Biz Əhli-sünnənin müqəddəs saydığı şəxslərə hörmətlə yanaşırıq.”

Cənab Məkarim bir müddət öncə Qum şəhərində keçirilən beynəlxalq konfransda əksər məzhəblərdən olan alimlərinin iştirakının müsəlmanlar arasındakı yekdilliyin, vəhdətin nişanəsi olduğunu bildirib.

Böyük alim Əhli-Beytə (ə) məhəbbətin təkcə şiələr deyil, bütün müsəlmanların qəlbində olduğunu bildirib.

Xatırladaq ki, bu səmimi görüşdə 100-dən çox Əhli-sünnə alimi, imam-cümə iştirak edib.

Mənbə:Sizinyol.com