İrandan təkzib: "Sami Yusifin musiqilərinə qadağa qoyulmayıb"

İran Dövlət Teleradio Şirkətinin (İRTŞ) İctimaiyyətlə Əlaqələr Şöbəsinin rəisi Davud Neməti Sami Yusifin mahnılarının İran Dövlət Televiziyasında qadağan edilməsi xəbərini təkzib edib

Ahlibeyt.azın verdiyi xəbərə görə,bu barədə İslamazeri.az "Fars" informasiya agentliyinə istinadən məlumat yayıb.

İDRTŞ-nın şöbə rəisi Neməti bildirib ki, bir müddət öncə İDTŞ adından yayımlanan məktub dərc edilmişdir ki, orada Sami Yusifin mahnılarına qadağadan bəhs edilir. Amma həmin məktubda nə şirkətin məsul şəxsinin imzası, nə də möhürü yoxdu. Sami Yusifin mahnıları İran Dövlət Televiziyasında məhdud səsləndirilir də onun mahnılarının qadağan edilməsi xəbəri doğru deyil.

Xatırladaq ki, bir müddət əvvəl Sami Yusifin İsraildə konsert verməsi ilə əlaqədar onun  İrana girişinə və İran radio-televiziya proqramlarında mahnılarının səsləndirilməsinə qadağa qoyulması xəbərləri yayılmışdı.