Tbilisi Dövlət Universitetində dini- elmi seminar keçirilib

İyulun 16-cı Bütün Gürcüstan Müsəlmanları İdarəsinin(BGMİ) təşəbbüsü ilə İvane Cavaxaşvili adına Tbilisi Dövlət Universitetinin konfrans zalında “Dinlərdə oruc” mövzusunda dini, elmi seminar keçirilib.

BGMİ-dən Ahlibeyt.az-a verilən məlumata görə,Seminarda Gürcüstanın bir çox yerlərindən dəvət olunan din xadimləri, alimlər, müxtəlif dini icmaların nümayəndələri Bütün Gürcüstan Müsəlmanları İdarəsinin rəhbəri Şeyx Hacı Ramin İgidov, müfti Hacı Beqlar, Hacı Yasin və Dini Məsələrlə iş üzrə Dövlət Agentliyinin sədri iştirak edid.

Çıxışlar zamanı Orucun dinlərdə olan müştərək və fərqli yönləri, oruc ibadətinin fəsəfə, fayda və əhəmiyyətindən söhbətlər açıldı. Belə seminarların keçirilməsinin ilahi dinlər arasında barışığın yaranmasına, dinlərin bir-birinə nikbin olmasına və nəticədə tolerantlıq və ölkədə dinlərarası dözümlülük hisslərinin güclənməsi baxımından vacib olduğu vurğulandı. Müxtəlif dini icmaların nümayəndələri müsəlmanları qarşıdan gələn Ramazan ayı münasibəti ilə təbrik etdilər.

Məlumatda bildirilir ki, seminar “Almustafa” elm mərkəzinin və İİR-nın Mədəniyyət Mərkəzinin təşkilsatçılığı ilə baş tutub.

- See more at: http://islaminsesi.org/index.php/xeber-arxivv/item/37237-tbilisi-doevlaet-universitetindae-dinlaerdae-orudz-moevzusunda-elmi-seminar-kechirilib-foto#sthash.MGYxP7EL.dpuf