Əl-Bağdadidən edam səhnələri ilə bağlı yeni qərar

İŞİD lideri Əbubəkr əl Bağdadinin qruplaşmanın media ofislərinə göndərdiyi bir əmrlə  edam kadrlarının yayımlanmasını qadağan etdiyi iddia edilib. İddiaya görə, Bağdadinin qərarı  İŞİD-də fikir ayrılığına səbəb olub.

Ahlibeyt.az-ın məlumatına görə,  Avropa.info xəbər verir ki,nüfuzlu "Daily Mail"  qəzeti yazıb ki, Bağdadi göndərdiyi əmrdə edam səhnələrinin uşaqları qorxutduğunu əsas gətirərək, belə kadrların yayılmasını qadağan edib.

Xəbərdə Bağdadinin qərarının qruplaşmada ikitirəlik yaratdığına da diqqət çəkilib. Bir qism edam səhnələri videolarının yayılmasının İŞİD-in imicinə xələl gətirdiyini bildirib. Digər qism isə bu cür görüntülərin təşkilata  fayda verdiyi görüşündə olub.