Kuveytdə milli matəm elan olundu - Məsciddə terrorun qurbalları 27 ölü 227 yaralı

Dəqiqləşdirilmiş son rəsmi məlumatlara görə,Kuveyt paytaxtında  əsasən şiələrin toplandığı İmam Sadiq məscidində törədilən terror qurbanlarının sayı açıqlanıb 27 nəfər dünyasını dəyişib 227 nəfər yaralı.

Ahlibeyt.az-ın Euronews-a istinadən məlumatına görə,Kuveyt hökuməti baş vermiş qanlı faciə ilə bağlı bu gün ölkədə milli matəm günü elan edib.

Bildirilir ki,qanlı terror aktı, cümə namazının dərhal ardınca üzərində olan partlayıcını işə salan terroçu kamikadze tərəfindən törədilib.Terrorçunun məscid daxilində olması və namazda 2 mindən çox insanın toplanması ağır itkilərlə nəticələnib.

Qeyd olunur ki,partlayışın olduqca güclü olması nəticəsində məscid tikintisinə ciddi xəsarət dəyib,məscid tavanı dağılıb,daxili divarlar zədələnib və bütün şüşələr qırılıb.

Hadisənin dərhal ardınca Kuveyt hökuməti tolanaraq iclas keçirib və ölkə təhlükəsizliyi üçün təxirəsalınmaz tədbirlərin həyata keçirilməsi qərara alınıb.