Moskvada ilk dəfə olaraq beynəlxalq Quran festivalı keçiriləcək

Rusiyanın paytaxtı Moskvada ilk dəfə olaraq, beynəlxalq Quran festivalı keçiriləcək.

Ahlibeyt.az-ın İsamnews-a istinadla verdiyi xəbərə görə, tədbir Ramazan ayına həsr olunub.

Festivalın təşkilatçıları Rusiya Müftilər Şurası və Tatarıstan, Başqırdıstan, Dağıstan müsəlman ruhani idarələri, İslam Mədəni İrsi Fondu (Moskva),İran İslam Respublikası səfirliyi yanındakı mədənyyət mərkəzi və Əl-Mustafa Universitetinin(İran-Qum) nümayəndələridir.

Festival çərçivəsində dini elmi məzmunda hazırlanmış yeni kitabların,filmlərlə yanaşı animasiyalar nümayiş etdiriləcək,kalassik və avanqard üslubda olan  mədəniyyət əsərləri təqdim olunacaq,müsəlman qadın geyimləri nümayiş etdiriləcək.

Festival çərçivəsində Quran təfsirinin rus diliidə olan "Svet Svyaşennoqo Korana"(Müqəddəs Quranın Nuru")kitabının təqdimat mərasiminin keçirilməsi planlaşdırılıb.

Rusiya və İranla yanaşı stend və layihə təqdim edən ölkələr arasında Azərbaycan, Qazaxıstan, Tacikistan və Hindistan da yer alacaqdır.

11-17 iyul tarixlərində keçiriləcək festivalın təntənəli açılışı iyulun 13-də baş tutacaq.