Ayətullah Sistaninin "Əl-Əyn" Sosial Qayğı Mərkəzində 27.000 kimsəsiz uşaq təhsil alır

İraqın nüfuzlu müctəhidi Ayətullah Seyid Əli Sistaninin  maliyyə dəstəyi və xeyir-duası ilə açılan "Əl-Əyn" Sosial Qayğı Mərkəzi İraqda kimsəsiz uşaqların ehtiyaclarının təmin edilməsi istiqamətində fəaliyyət göstərən müstəqil humanitar təşkilatdır

Ahlibeyt.az-ın İslamazeri-yə istinadən verdiyi xəbərə görə,Fond 2006-cı il yanvarın 13-də təsis edilib. Fondun Bağdadda 4, digər əyalətlərdə 14 filialı var.  Hazırda "Əl-Əyn" Sosial Qayğı Mərkəzində 27.000 kimsəsiz uşaq təhsil alır.

Qeyd olunur ki, Sosial Qayğı Fondu xüsusi sədəqə qutuları hazırlayıb və sədəqə qutularından gələn gəlir fondun hesabına daxil olur. "Əl-Əyn" Sosial Qayğı Mərkəzi 2006-2013-cü illər arası kimsəsiz uşaqların ehtiyaclarına 39 milyon dollar pul xərcləyib.