Bəşər Əsəd - Dünya ölkələri terrorla bağlı açıq və cəsarətli mövqe nümayiş etdirməlidir

Dünyanın terror qarşısında sükutu terrorçuları daha da cürətləndirir. Dünya terrorun sabitlik və təhlükəsizliyə vurduğu zərbələri başa düşməlidir. Dünya ölkələri terrorla bağlı açıq və cəsarətli mövqe nümayiş etdirməlidir

Ahlibeyt.az-ın verdiyi xəəbərə görə,Salamnews -un Sana-ya istinadən verdiyi məlumatda bildirilir ki, bu sözləri Suriya prezidenti Bəşər Əsəd paytaxt Dəməşqdə BMT-nin münaqişə üzrə nümayəndəsi Stefan di Misturanı qəbul edərkən deyib.

Dünya ölkələrinin terror barədə mövqeyini tənqid edən Suriya prezidenti xüsusilə terrorçuları dəstəkləyən, onlara maddi və silah yardımları göstərən, onların keçidlərini təmin edənlər qarşısında cəsarətli mövqeyin nümayiş etdirilməsinin vacibliyini vurğulayıb.

Məlumat üçün bildirək ki, Stefan di Mistura Kofi Annan və Əxdər əl-Brahimidən sonra BMT-nin Suriya münaqişəsi üzrə təyin etdiyi üçüncü nümayəndədir.

O, nümayəndəliyi dövründə Suriyadakı münaqişə tərəflərini bir araya gətirə bilməyib.