İraq qüvvələri Səlahəddində 3 istiqamətdə irəliləyirlər, yüzdən çox terrorçu məhv edilib

Səlahəddin vilayətinin Ər-Rəmadi istiqamətində qalan bölgələrinin terrorçulardan təmizlənməsi əməliyyatı könüllü xalq birlikləri, ordu və polisin iştirakı ilə başlanıb.

Ahlibeyt.az-ın verdiyi xəbərə görə, SumariaNews-un məlumatında bildirilir ki,İraqın Müdafiə Nazirliyi İraqlı və könüllülərin müştərək qüvvələri Səlahəddin vilayətində 3 istiqamətdə irəlilədiklərini bildirib.

İraq ordusu və xalq qüvvələri bir neçə gün öncə Səlahəddin vilayətinin mərkəzi olan Tikritin 40 kilometr şimalında yerləşən Bici şəhərini tam şəkildə ələ keçiriblər.

Həmçinin İraq Daxili İşlər Nazirliyi bildirib ki, xüsusi bölmə əməliyyat keçirərək İŞİD terror qruplaşmasının bir neçə başçısını məhv edib.

İraq DİN əlavə edib: Bu bölmə əl-Qaim bölgəsində İŞİD başçılarının iclasını müəyyənləşdirmiş, İraq hava qüvvələri ilə koordinasiya edərək onları hədəfə almışdır.

Məlumatlarda qeyd olunur ki,digər bir əməliyyatda aviasiya Neynəvanın Təlafər əyalətindən Sincara doğru hərəkət edən İŞİD karvanına edilən hava zərbəsi nəticəsində 100-dən çox terrorçu məhv edilib.