Fransada İslam Peyğəmbərinin (s) həyatı barədə sərgi keçiriləcək

Əziz İslam Peyğəmbərinin (s) "besət" bayramı münasibəti ilə sabah, 17 may 2015-ci il tarixində Fransanın Marsel şəhərində "Məkkə və Mədinədən Marselə qədər" devizi ilə sərgi düzənlənəcək.

Ahlibeyt.az-ın verdiyi xəbərə görə,bu barədə İqna agentliyinin saphirnews-a istinadən verdiyi məlumata görə  İslam peyğəmbəri Həzrət Məhəmmədin (s) "Məbəs" günü, peyğəmbərliyə seçildiyi gün, münasibəti ilə Fransanın cənubunda Marsel şəhərində "Məkkə və Mədinədən Marselə qədər" devizi ilə sərgi keçiriləcək.

Sərgi  may ayının 17-də Marselin "İslah məscidi" və "Hamımız Peyğəmbərin (s) ətrafında birləşək" təşkilatının dəstəyi ilə keçiriləcək.

Qeyd edək ki, "Məkkə və Mədinədən Marselə qədər" şüarı ilə keçirilən sərginin haşiyəsində "Peyğəmbərin (s) yaşayış tərzi" və "Bu gün Onun haqqında necə danışmalıyıq" adlı konfransların da keçirilməsi sərgi proqramına daxil edilib.

Həmçinin  May ayının 14-də Fransanın "Sulil" radiosunda professor Nurəddin Övsət "Besət bayramı" ilə bağlı çıxış edib.