Ayətullah Nimrin edam hökmünün icrası Səud rejiminin süqutuna başlanğıc olacaq

İraqın  "Siyasi Təfəkkür Mərkəzi"nin rəhbəri Ehsan əş-Şəmri  Səudiyyə Ərəbistanı məhkəmisi tərəfindən Ayətullah Şeyx Baqir ən-Nimr haqqında çıxarılan edam hökmünü vəhabi rejiminin süqutunun başlanğıcı olduğunu bildirib.

Ahlibeyt.az-ın İqna-ya istinadən verdiyi xəbərə görə Ehsan əş-Şəmri  Səudiyyə tanınmış  alim və ruhanisi olan Ayətullah Şeyx Nimr Baqir ən-Nimrin haqqında çıxarılan edam hökmünü bu terrorist dövlətin ən böyük səhvi adlandıraraq  bunun ciddi  nəticələrinin olacağına işarə edib.

O bildirib ki, bu edamın gerçəkləşməsi "vəhabi rejimi" olan Ərəbistan dövlətinin daxilində əks siyasi hərəkətlərin başlanmasına əsas amil və Səudiyyə rejiminin süqutunun başlanğıcı olacaq.

Ehsan əş-Şəmri qeyd edib ki, Ayətullah Nimrin haqqında çıxarılan edam hökmünün icrası şahlığın daxilində şahzadələrin arasında olan çəkişmələri gücləndirəcək,Kral ailəsinə daxil olan bəzi şahzadələrin hökümün icrasına qarşı olması bu rejimin daxildən dağılmasına səbəb olacaqdır.

Ehsan əş-Şəmri bildirib ki, Ərəbistan Yəmən böhranı və Ayətullah  Baqir ən-Nimrin haqqında çıxarılan edam hökmünün icrası ilə özünün regiondakı qüdrətini göstərmək istəyir. Çünki Ərəbistan rejimi İranın Qərb ilə nüvə məsələsində müzakirələrinin müsbət nəticəsindən çox narahatdır və bu razılaşmanın əleyhinədir.

Qeyd edək ki, Ərəbistanın şiələr yaşayan regionlarında, o cümlədən "əş-Şərqiyyə" məntəqəsinin "Əvamiyyə" şəhərində keçən şənbə günündən başlayaraq Şeyx Nimrin edam hökmünə etiraz olaraq etiraz aksiyaları keçirilir. Həmçinin Şeyx Nimr haqqında bu siyasi edam hökmünün çıxarılması daxili və beynəlxalq təşkilatlar tərəfindən etirazla qarşılanıb.