İŞİD terror qruplaşması İraqda məscid qarşısında törədilən terror aktını öz üzərinə götürdü

İŞİD terror qruplaşması cümə günü İraqda törədilən terror aktlarının məsuliyyətini öz üzərinə götürüb.Ahlibeyt.azın verdiyi xəbərə görə bu barədə Ria agentliyi terror qruplaşmasının veb saytına istinadən məlumat yayımlayıb.

Qeyd edək ki, İraqın şərqində məscidin qarşısında törədilən iki partlayış nəticəsində 18 nəfərin həyatını itirdiyi, 37 nəfərin xəsarət aldığı bildirilir.Partlayış dindarların cümə namazından sonra məsciddən çıxdıqları vaxt baş verib.

Partlayıcı qurğu məscidin qarşısında saxlanılan avtomobilə qoyulub. Birinci partlayışdan sonra terrorçu-kamikadze ikinci partlayıcı qurğunu işə salıb.

Digər terror aktı  Bağdadın şimal şərqinin 75 km-də yerləşən Kənan şəhərində baş verib. Burada İmam Hüseyn məscidində cümə namazından çıxan insanların arasına daxil olan terrorçu kamikadze özünü partladıb. Nəticədə  azı 4 nəfər həlak olub, 18 nəfər isə yaralanıb.Ölən və yaralananlar arasında təhlükəsizlik qüvvələrinin əməkdaşları olduğu da bildirilir.