ABŞ və müttəfiqlərinin Hələbi bombalamağı nəticəsində ölənlərin sayı 52-yə çatıb

ABŞ və müttəfiqlərinin hərbi təyyarələrinin Suriyanın Hələb əyalətinin şimal-şərqində yerləşən, "İslam Dövləti" (İŞİD) terror təşkilatının nəzarətində olan Birmahlı kəndinə endirdikləri hava zərbəsində ölənlərin sayı 52-yə çatıb, 13 nəfər dağıntılar altında qalıb.

Ahlibeyt.az-ın məlumatına görə,bu barədə SalamNews Suriya İnsan Hüquqlarını Müşahidə Qrupuna istinadla xəbər verir.

Ölənlərdən doqquzunun qadın, yeddisinin uşaq olduğu bildirilir.

Hələb şəhərində silahlı qruplaşmalar hökumətin nəzarətində olan bölgələri minomyotlardan hədəfə alıb. Burada 12 nəfər həlak olub, 45 nəfər xəsarət alıb.

Suriya ordusunun hərbi təyyarələri Hələbdə qruplaşmaların nəzarətində olan bölgələrə şiddətli zərbələr endirib.

Bildirək ki, cari ayın 4-də Suriyada atəşkəsin bərpa edilməyi istiqamətində BMT nümayəndəsinin rəhbərliyi ilə danışıqlara start veriləcək.