Tacikistanda gənclərə Həcc ziyarətinə getmək qadağan edildi

Tacikistan hökuməti yanında Dini işlər Üzrə Komitə bildirib ki, bundan sonra müsəlman taciklər Həcc ziyarətinə ancaq 35 yaşdan sonra gedə biləcəklər.

Ahlibeyt.azın Trend-ə istinadən verdiyi xəbərə görə,İnterfaks agentliyinin məlumatında qeyd olunur ki,Dini Komitənin qərarında qeyd olunur ki,“Bizim bu qərarımızın məqsədi yaşlı insanlara ziyarət imkanı və onların çoxdankı arzularını reallaşdırmalarına şərait yaratmaqdır”, – deyə qurumun açıqlamasında bildirilir.

Tacikistandan Həcc ziyarətinə gedənlərin siyahısı adıçəkilən komitə tərəfindən tərtib olunur. Qurum ölkəyə ayrılan kvotaya (bu il 6,3 min nəfər) əsasən siyahıda yaşlı nəslin nümayəndələrinə üstünlük verməyi qərara alıb.

Bundan əvvəl Tacikistan prezidenti əhaliyə müraciət edərək Həcc üçün borca girmək əvəzinə yoxsullara yardım etməyə çağırmışdı.

Qeyd edək ki,Tacikistanın Həcc kvotası 6300 nəfərdir bu ziyarətə getmək 4000 ABŞ dollarına başa gəlir