Şiə ölkəsində hicabın qadağan edilməsi utancverici haldır

Təbrizin İmam Cüməsi Ayətullah Möhsün Müctehid Şəbüstəri bu gün Cümə xütbəsində Azərbaycanda orta təhsil müəssisələrində şagirdlərin hicabla dərslərdə iştirakına olan qadağanı qınayıb.

Ayətullah Şəbüstəri deyib ki, bəzi Avropa ölkələrində nəticəsi də olmayan hicabın məktəblərdə qadağan edilməsi dalğasıni müşahidə edirik ki, haradasa başa düşüləndir. Amma hansısa bir şiə ölkəsində bu tip qadağa təhqiredici və utancverici haldır.

Ayətullah Şəbüstəri həmçinin hicabın azadlığı uğrunda həbs olunmuş islamçıların həbsini də pisləyərək deyib ki, biz Azərbaycan hökümətindən istəyirik ki, tezliklə bu utancverici qadağanı aradan qaldırsınlar və hicab uğrunda həbs olunmuş islamçıları tezliklə həbsdən azad etsinlər.